Forsíða
Dagbók
Fróðleiksmolar
Leiðarlýsing
Vasa-vísan

Vasaloppet.se
Á keppnisdag

(Tölvupóstfang bræðranna hefur verið aftengt)

Aðsend hvatningarvísa:
Eiðabræður einbeittir
eru menn sem þora.
Gangið hægt um gleðidyr
en gallharðir til Mora!
Össur Kristinsson

Gígamyndun í Bláfjöllum!
8. febrúar.

Frá fréttaritara hópsins:
Þær fregnir voru að berast að furðulegar gígamyndanir hafa myndast á undanförnum sunnudögum í skíðagöngubrautinni í Bláfjöllum. Hafa mönnum þótt þetta undarleg fyrirbrigði og einnig hafa borist kvartanir frá skíðagöngufólki til skálavarða á svæðinu. Svo miklar skemmdir hafa orðið að starfsmenn svæðisins fóru með leynd til að athuga málið.

Kom þá skýringin í ljós. Lítill hópur manna hefur verið að stunda æfingar á svæðinu og þótti starfsmönnum ljóst að á vissum stöðum og þá helst í brekkum með miskröppum beygjum, færu skíðin hraðar en skíðamennirnir og stundum í aðra átt. Botninn hefur í þessum tilfellum orðið eftir í beygjunni en skíðin farið á undan. Við þetta kútveltast menn í beygjunum og rústa alveg brautinni fyrir þeim sem í sakleysi sínu koma í kjölfarið og lenda því út í móa, því brautin er máð út á stóru svæði. Er þá ennfremur komin skýring á vangaveltum manna í Kjarnaskógi frá því um miðjan janúar, þegar menn urðu varir við svipuð náttúruundur.

Við þessu er lítið að gera annað en að sýna mönnum þolinmæði og vona að á næstu æfingu fylgi bossinn með í beygjunni.

Myndirnar eru teknar í Bláfjöllum 25. janúar og ekki er sannað að þær tengist efni fréttarinnar.

Aftur í efnisyfirlit